Med ny forbetra app og endå fleire turmål kan du i år gå mange både nye og gamle turmål. Her er turmål for alle, frå dei lettaste til meir krevjande turar.
572 turmål er med i årets Stikk Ut! i Møre og Romsdal og for fyrste gong kan du i år gå turar andre stadar i Norge, der heile 82 kommuner er med.
Meir info om årets Stikk UT! finn du her.
Årets Stikk UT!-turar i Herøy kommune teller 15 turmål. Vi i Tjørvåg IL har 5 turmål av desse 15. Rysseviktua er merka frå Moltu men den kan du fint gå når du går til Sandvikhornet og vidare mot Moltu.
Vi har merka 2 blå og 2 grøne turar og har i år skifta ut alle Sommar Stikk UT! turane frå tidlegare år. Dette for å gi dei mest brukte råsene eit friår for mykje bruk.
Desse turmåla er med i Herøy
Blåfjellstien (ny)
Byvandring rundt Våje, Fosnavåg
Djupvikhaugen (ny)
Eggesbøvegen til endes
Herøy gard
Hornseten (ny)
Leinemastra (ny)
Lidafjellet (ny)
Lysløypa på Leikong
Rysseviktua (ny)
Røddalshornet (ny)
Sandvikhornet (ny)
Skagetåa (ny)
Vasseidet på Remøy (ny)
Øyrahornet (ny
Minner også om at du kan laste ned appen Georeg og bli med på årets Fjelltrim i Tjørvåg IL . Den startar også no. Meir info her
Ta omsyn til dyr, plantar og menneske
Det er viktig å sette seg godt inn i Stikk UT!-vett-reglane før ein går på tur. Vi oppfordrar alle til å ta vare på naturen og ta omsyn til både dyr, plantar og menneske. Vi oppfordrer også alle til å parkere som vist til og ikkje vere til hinder eller ulempe for andre trafikantar og grunneigarar, oppfordrar Ellingsæter i Sunnmøre friluftsråd.
